GEUZ-eko administrazio kontseiluko kideen berritzea
Azkain herriko Gizarte Ekintzako Udal Zentroko (GEUZ) administrazio kontseilua berritzeko prozesuaren baitan, eta Gizarte Ekintzaren eta Familien Kodeko L.123-6 eta R.123-11 artikuluen arabera, Azkaingo auzapezak jakinarazten die ondoko arloetan diharduten departamenduko elkarteei:
- gizarteratzea eta bazterketaren aurkako borroka,
- familia arloa,
- erretretadunak eta adinekoak,
- ahalmen urriko pertsonak,
laster egingo dela Azkaingo CCASeko administrazio kontseiluko izendatutako kideen berritzea.
Aipatutako elkarteek 15 eguneko epea dute, ohar hau argitaratzen denetik kontatzen hasita, izendapenetarako proposamenak egiteko.
Familia elkarteei dagokienez, proposamenak Familia Elkarteen Departamenduko Batasunaren bidez aurkeztu beharko dira, aipatutako L.123-6 artikuluaren 7. atalari jarraikiz.
Bestalde, salbuespen arrazoitua izan ezean, gizarteratzearen eta bazterketaren aurkako borrokan diharduten elkarteek, erretretadunen eta adinekoen elkarteek, eta desgaitasuna duten pertsonen elkarteek, 3 pertsonako zerrenda aurkeztu beharko diote auzapezari, L.123-6 artikuluaren 4. atalak ezartzen dituen baldintzak betetzen dituztenak. Antzeko xedea duten elkarteek zerrenda bateratua aurkez dezakete.
Ohar hau gaurtik aurrera herriko etxean ikusgai egongo da. Halaber, Sud-Ouest egunkarian eta udalaren webgunean argitaratuko da.
Interesa duten elkarteek aurkeztutako zerrendak, berantenik, 2026ko apirilaren 22rako iritsi beharko zaizkio auzapezari, posta edo posta elektronikoz, herriko GEUZ-era (ccas@mairie-ascain.fr)